Еуропаға ресейліктер үшін Грузия арқылы ашылған «саңылауларға» Польша наразы

Грузияға, одан Еуропаға ресейліктер үшін рейстердің ашылуын Onet порталы жағымсыз жаңалық деп атады.

Грузияның Georgian Airways әуе компаниясының ресейліктер пайдалана алатын Еуропаға рейстерін ашуы «түсініксіз» және «жаман қадам», - делінген поляк порталының Onet мақаласында.

Материалда Ресей мен Грузия арасындағы байланысты қалпына келтіру басқа елдерде қатты наразылық тудырып, бұл  ресейліктер үшін ашылған жаңа мүмкіндіктер ретінде бағаланғаны жазылған.

«Тбилиси арқылы рейстер тізімін кеңейту - жағымсыз жаңалық және ресейліктердің Еуропаға саяхатын жеңілдету үшін жасалған тағы бір түсініксіз қадам» деп келтірілген мақалада.

Наразылыққа компания құрылтайшысының тағы бір мәлімдемесі себеп болды, ол 15 маусымнан бастап ресейліктер Мәскеуден Миланға, Парижге, Венаға және Еуропаның басқа қалаларына Тбилисидегі трансфермен ұша алатынын хабарлады. Сонымен бірге, әуе компаниясы көп ұзамай Еуропаға ұшулар тізімін кеңейтті.