Еуроодақ 168 ресейлік компанияға қарсы санкция салуға келісті

Бұл компаниялардың барлығы ресейлік әскери-өнеркәсіп кешенімен байланысты.

Еуроодақ Ресейге қарсы тоғызыншы санкциялар пакетін енгізіп үлгерді. Әңгіме әскери-өнеркәсіптік кешенмен байланысты 168 ресейлік компанияға қатысты шектеулер туралы болып отыр.

Еуропалық комиссияның (ЕК) вице-президенті Валдис Домбровскис Twitter-де мәлімдегендей, жаңа санкциялар пакеті қосарлы мақсаттағы технологиялар экспортына шектеулерді қамтиды. Атап айтқанда, дрондар, IT жабдықтары және электроникалар шектеуге ұшырайды.

Бұған қоса, ЕО санкцияларының бұл пакеті ресейлік тау-кен секторы мен бизнес қызметтеріне, соның ішінде жарнамаға, нарықты зерттеуге және әлеуметтік зерттеулерге шектеулерді кеңейтеді.

Ағымдағы жылдың 24 ақпанында таңертең Владимир Путин БҰҰ Жарғысының 51-бабына, Федерация Кеңесінің санкциясына және ДХР мен ЛХР-мен келісімдеріне сілтеме жасай отырып,  «арнайы әскери операция» деп атаған шабуылмен Украинаға басып кіретінін жариялады (соңғысы 25 ақпанда ғана күшіне енді және соғыс қимылдары басталған кезде заңды күші болған жоқ).