Евгений Жовтис Адам құқықтары жөніндегі қазақстандық бюро басшысы қызметінен кетті

Белгілі құқық қорғаушы, Адам құқықтары және заңдылықты сақтау жөніндегі қазақстандық халықаралық бюроның жетекшісі Евгений Жовтис жаңа мерзімге өз кандидатурасын ұсынудан бас тартып, қызметінен кетті. Ұйым жаңа басшы сайлады, деп хабарлайды Orda.kz.

Бұл туралы «Адам құқықтары және заңдылықты сақтау жөніндегі қазақстандық халықаралық бюро» республикалық қоғамдық бірлестігі  хабарлады. 27 қыркүйекте жалпы жиналыс өтті, онда күн тәртібіндегі мәселелердің бірі Бюро директорын сайлау болды. Сайлау екі жыл сайын өтеді.

«Ұйымның қазіргі басшысы және негізін қалаушылардың бірі Евгений Жовтис бюроға ротация қажеттігін және басшылыққа кейінгі жастардың келуін қалайтынын алға тартып, өз кандидатурасын ұсынбады. Жовтис бюроның бас сарапшы-кеңесшісі қызметін атқара отырып, ұйымды оперативті басқарудан бас тартып, оның стратегиялық дамуы мен сарапшылық қызметіне назар аударғысы келетінін айтты» деп хабарлады бюро.

Жасырын дауыс беру арқылы жаңа директор болып Денис Дживага сайланды. Бұған дейін ұйымда директордың орынбасары және БҰҰ БЖКБ «Босқындар мен азаматтығы жоқ адамдарға құқықтық көмек көрсету» жобаларының үйлестірушісі болды.

Отырыста сондай-ақ бюроның ұйымдық схемасына, Жарғысына шағын өзгерістер енгізу мәселелері талқыланып, ҚІІБК Кеңесінің сайлауы өтті.

Адам құқықтары мен заңдылықтың Қазақстандық халықаралық бюросы 1993 жылы құрылған. Қазір ол Алматыда бас кеңсесі, он филиалы және республика өңірлерінде бір өкілдігі бар Қазақстандағы ең ірі құқық қорғау ұйымы болып қала береді.