Еуропалық комиссия Қазақстандағы авиациялық қауіпсіздік деңгейін бағалады

Еуропалық комиссияның жоғары басшылығы Қазақстанның авиациялық әкімшілігінде болды.

Қазақстанның Авиация әкімшілігінде Еуропалық Комиссияның Халықаралық ынтымақтастық жөніндегі Бас дирекциясының (DG INTPA) бірінші дәрежелі кеңесшісі Хенрик Холули мен Қазақстанның авиациялық әкімшілігінің бас директоры Каталин Раду және ұйымның қызметкерлері кездесті.

«Кездесу барысында Еуропалық комиссия делегациясы Қазақстанның авиациялық әкімшілігі қызметімен және даму перспективаларымен танысты. Қазақстанның авиациялық әкімшілігі басшылығы жүргізіліп жатқан жұмыстар мен ұшу қауіпсіздігін қамтамасыз ету бойынша тапсырмалардың орындалу барысы туралы ақпарат берді. Тараптар кең ауқымды мәселелерді, соның ішінде ұшу қауіпсіздігін қамтамасыз ету, авиациялық қауіпсіздік және одан әрі ынтымақтастықты талқылады» деп хабарлады Азаматтық авияция комитетінің баспасөз қызметі.

Хенрик Хололей Қазақстанда азаматтық авиация саласын басқаруға және халықаралық ұшу қауіпсіздігі стандарттарына сәйкестік деңгейін арттыруға, әсіресе соңғы бір жарым жыл ішінде жүзеге асырылған тәсілдерді оң бағалады. Ол сондай-ақ елдің әлеуметтік-экономикалық дамуы үшін авиацияның маңыздылығын және Орта дәліз жағдайында авиацияның келешегін атап өтті.

Халықаралық азаматтық авиация ұйымының  жүргізген аудитінің қорытындысы бойынша Қазақстандағы ұшу қауіпсіздігі 82%-ға дейін өскені, бұл орташа әлемдік деңгейден жоғары екені бұған дейін хабарланған болатын.