Еуропалық Одақтас елдерге кімдер кіре алады?

3 мамырда Еуропалық Комиссия мүше емес елдердің тұрғындары үшін Еуропалық Одақтың шекараларын ашуды ұсынды.

Бұл туралы Orda.kz Интерфаксқа сілтеме жасап хабарлады.

Еуропалық комиссияның басшысы Урсула фон дер Лейеннің айтуынша, Еуропалық Одақ елдері туризм саласына қайта оралатын уақыт келді. Сондықтан Covid-19 коронавирусына қатысты жағдай ерекше алаңдаушылық туғызбайтын елдерден келетін туристерге рұқсат беру керек.

– Біз вакциналанған қонақтарды кіргізуді ұсынамыз. Сондай-ақ, денсаулық жағдайы жақсы елдерден адамдар тартуға болады, - деп жазды ол Twitter-де.

Еуропалық комиссияның өкілі Адалберт Янстың айтуынша, ЕО-да вакциналанған туристер әлі де карантиндік және ПТР сынақтарынан босатылмайды.

Қазіргі кезде ЕО-ға тек жеті мемлекет кіре алады.