Еуроодақ «Азаттық радиосына» 5,5 миллион еуро бөледі

Еуроодақ «Азаттық радиосы» медиа компаниясына қаржылай қолдау көрсетеді, деп хабарлайды Orda.kz. 

Бұл туралы Еуроодақтың сыртқы саясат басшысы Кая Каллас мәлімдеді. Оның айтуынша, ЕО бүкіл әлемдегі  «Азаттық радиосының» қаржылық қажеттіліктерін толығымен жаба алмайды. Бірақ ЕО-мен көршілес елдерге, сондай-ақ Солтүстік Кавказ және Орталық Азиядағы БАҚ жұмысына көмектесе алады. Кая Каллас  болашақта «Азаттық радиосын» ұзақ уақыт бойы қолдау үшін қосымша қаражат бөледі деп үміттенеді. 

Айта кетейік, осы жылдың наурыз айында Трамптың жарлығымен АҚШ-тың жаһандық медиа агенттігінің (USAGM) қаржыландыруы тоқтатылды. Яғни «Азат Еуропа радиосы / Азаттық радиосының» қызметі тоқтады. Сарапшылар бұл медиа агенттігінің жабылуын «апатқа» теңеді.