Меркель Еуропалық Одақты Путинмен тікелей диалогқа шақырды

Германия канцлері Ангела Меркель Еуропалық Одақты Ресей президенті Владимир Путинмен тікелей диалогқа шақырды.

Бұл туралы Orda.kz хабарлайды.

Саясаткер Еуропалық одақ Мәскеудің саясатына бірыңғай әрекет ету механизмін әзірлеуі керек деп атап өтті. АҚШ президенті Джо Байден ғана емес, Еуропа да Ресеймен байланыс орнатуы керек екенін баса айтты. Бундестаг канцлердің мәлімдемесін жақсы қабылдағаны айтылды.

23 маусымда Меркель Путинді 24-25 маусым күндері Брюссельде өтетін ЕО саммитіне шақырды. Неміс жағының ұсынысын Франция көшбасшысы Эммануэль Макрон қолдады. Берлин мен Париж Еуропалық Одақ Мәскеумен өзара қызығушылық тудыратын мәселелер бойынша ынтымақтастыққа дайын болады деп үміттенеді.

Бұған дейін Германия канцлері ЕО елдері АҚШ президентінің үлгісі бойынша Ресеймен диалог жүргізуі керек деп айтқан. Ол Мәскеумен келіссөздер Еуропаның қауіпсіздігі мен тұрақтылығы тұрғысынан қажет екенін, сондықтан олар барлық қиындықтарға қарамастан жалғасатынын атап өтті.