Еуроодақ Ресейдің 29,5 миллиард еуролық активтерін бұғаттады

Банк шоттары, жылжымайтын мүлік және өнер туындылары санкцияға ұшырады.

Еуропалық Одақ санкцияға ұшыраған ресейліктердің 29,5 миллиард еуро көлеміндегі активтеріне тыйым салды, деп хабарлайды Reuters.

Еурокомиссия өкілдерінің айтуынша, бұғатталған активтерге банк шоттары, қайықтар, тікұшақтар, жылжымайтын мүлік және өнер туындылары кіреді.

Украина аумағында жалғасып жатқан соғыс қимылдары аясында Еуроодақ банктері жалпы сомасы 196 миллиард еуроны құрайтын көптеген транзакцияларға тосқауыл қойды.

«Тоқтатылған активтер  сомасы санкциялардағы адамдарға тиесілі активтердің аз ғана бөлігін  құрауы мүмкін. Бай адамдар активтерін жасыру үшін басқа тұлғаларды немесе анонимді компанияларды пайдалана алады, бұл оларды анықтауды  қиындатады» деп жазады Reuters.

Комиссия мүшелері Еуроодақ елдерінің тек жартысы ғана заңдық міндеттемелеріне қарамастан санкцияланған олигархтарды тоқтату шараларын қабылдағанын атап өтті.