Еуроодақ елдері Украинаға көмек көрсету мәселесін талқылайды

Еуроодақ елдерінің дипломатия және қорғаныс министрліктерінің басшылары келесі аптаның басында бас қосады.

Еуроодақ елдерінің сыртқы істер және қорғаныс министрлері әртүрлі мәселелерді, соның ішінде Украинадағы жағдайды және «Стратегиялық компасты» талқыламақшы. 21 наурызда Брюссельде Еуропалық Одақ Сыртқы істер кеңесінің отырысы өтеді.

Анадолы агенттігінің хабарлауынша, отырыстың бірінші бөлігінде Еуроодақ елдерінің сыртқы істер министрлері сөз сөйлейді. Сондай-ақ, сыртқы істер және қорғаныс министрлерінің бірлескен қатысуымен кездесулер өтеді. Украина Қорғаныс министрі Алексей Резниковтың сөз сөйлеуі жоспарлануда, отырыс  бейнеконференция түрінде өтеді. Сондай-ақ,  Молдова Сыртқы істер министрі Нику Попескумен пікір алмасу болады.

Кеңес отырысының Украина бөлігінде Еуроодақ қорғаныс министрлері Украинаның әскери қажеттіліктерін талқылайды. 27 ақпанда Украинаға 500 миллион еуро көлемінде көмек көрсету туралы шешім қабылданғаны белгілі, алайда Киевтің қажеттіліктері бұл көрсеткіштен асып кеткен. Бұл сома тағы 500 миллион еуроға көбейтіледі деп болжануда.

Дегенмен соңғы шешім жақын арада анықталмайды, өйткені ол Германияға байланысты, қазіргі парламент алдымен бөлінген қаржыны бекітуі керек.