Еуро Одақ ымыраға келді: туристік сертификаттар 27 елде жарамды

Еуро Одақ елдерінің азаматтары жазда карантин және басқа да шектеулерге алаңдамай 27 елде демала алады. ЕО COVID-сертификаттарын шығарады.

Бұл туралы Orda.kz хабарлады.

20 мамырда Еуропалық Одақтың заң шығарушылары Еуропарламенттегі келіссөздердің төртінші сессиясында осындай шешім қабылдады. Келісім ЕО-тың 27 елінде тұратын кез-келген адамға:

• вакцинация мәртебесін,
• COVID-19 сынағының нәтижелерін
• коронавирус инфекцисын емдеу туралы ақпаратты көрсететін цифрлық рұқсаттама алуға мүмкіндік береді.

Бұған дейін Еуропалық Одақ азаматтардың жазғы туристік маусымда одақ елдеріне баруын жеңілдету үшін осы жылдың маусым айында COVID сертификаттарын енгізеді делінген.

Туризмге тәуелді мемлекеттер бұл сертификатты саяхаттауды қиындататын ішкі ережелерді тоқтату үшін жасайды.

ЕО өкілдері ешкімге сертификатты қолдануға міндеттемейтіндіктерін және сертификат вакцинация паспорты болып саналмауы немесе дискриминациялық құжат ретінде қаралмауы керек дейді. Вакциналау науқаны кеңейіп, COVID-19 ауруының деңгейі төмендеген кезде, ЕО-ның көптеген елдері жазғы туристік маусымның алдында жергілікті экономиканы қалпына келтіру үмітімен шектеулерді азайта бастады.