«Еуразиялық банк» Қазақстанға 30 млрд теңге қайтарады

«Еуразиялық банк» АҚ қаржылық тұрақтылықты арттыру бағдарламасы аясында шығарылған облигацияларды ішінара сатып алады. Банк басшылығы Шухрат Ибрагимов директорлар кеңесінің төрағасы болып тағайындалғаннан кейін осындай шешім қабылдады, деп хабарлайды Orda.kz.

KASE сайтында жарияланған ақпаратқа сәйкес, «Еуразиялық банк» есептелген, бірақ төленбеген сыйақымен бірге әрқайсысы 100 теңгеден тұратын 300 млн облигацияны сатып алуға дайын. Осылайша, қаржы мекемесі мәмілені жыл соңына дейін жүргізуге міндеттеліп, мемлекетке 30 млрд теңге қайтарады. Шешім 23 қазанда қабылданды.

Бұл «Еуразиялық банктің» мемлекет алдындағы берешегінің тек бір бөлігі ғана. Банк бағдарлама шеңберінде берілген ақшаның бір бөлігін Қазақстанға қайтаруды басқарма төрағасы Шухрат Ибрагимов тағайындалған соң бірден шешті.

Айта кетейік, «ҚТЖ – Жолаушылар локомотивтері» ЖШС бұрынғы Бас прокурор Қайрат Қожамжаровтың інісі Дулат Қожамжаров иелік ететін «High Industrial Lubricants & Liquids Corporation» (HILL) компаниясына қарсы сотта жеңіске жетті.