Ет бағасы осымен бесінші апта шарықтауда

Ет бағасы бес апта қатарынан қымбаттауда, деп хабарлайды Orda.kz.

Data Hub деректеріне сүйенсек, баға әсіресе Өскемен, Көкшетау және Жезқазғанда шарықтап, бір аптада 3,5–4,4 % қымбаттады.  

Ел бойынша әлеуметтік маңызы бар өнімдер тізіміне кіретін сиыр етінің төс-жауырын бөлігі орташа есеппен 3,9 %-ға қымбаттады.

«Бұл – 2022 жылдың наурыз айынан бергі ең жоғары апталық өсім», – деп атап өтті сараптамалық арна.

Ауыл шаруашылығы министрлігі бағаның көтерілуін Тәжікстан мен Өзбекстанға экспорттың артуымен байланыстырады. Сарапшылар теңгенің әлсіреуі мен фермерлердің жем-шөп қоры жеткілікті болғаны малды союды кейінге қалдыруымен де түсіндіреді.  

Бұған дейін қазақстандықтардың азық-түлікке жұмсайтын шығынының үштен бірі етке кететіні хабарланған еді.