Ескі көліктерге салық азайтылады

Қазақстан ескі көліктерге салынатын салықты азайтуды жоспарлап отыр, деп хабарлайды Orda.kz.       

Бірнеше жылдан бері автокөлік иелері көліктердің қызмет ету мерзімі мен құнына байланысты әділетт орнату үшін жолаушылар көлігіне салық салуды қайта қарау мәселесін көтеріп келеді. Осыған байланысты көліктің шыққан жылына қарай салық салудың сараланған тәсілі ұсынылды.  

Қазақстан премьер-министр Олжас Бектенов депутаттық сауалға берген жауабында осы туралы айтты.

Жауап негізінде салық ставкалары бойынша төмендетілген мынадай коэффициенттерді белгілеу ұсынылады:

Шығарылған жылы 10 жылдан 20 жылға дейінгі автомобиль үшін – 0,7;

Шығарылған жылы 20 жылдан асқан автомобиль үшін - 0,5.

Қазіргі уақытта бұл мәселе бойынша тәсілдер әзірленуде.