Ескі көпір туралы жазба салған cемейлік шенеунік мазақ астында қалды

9 тамыз күні кешке Семейде ескі көпір құлады.

Бұл туралы Orda.kz хабарлады.

Қала әкімінің орынбасары, көлік және автомобиль жолдары бөлімі мен жол-патрульдік қызмет өкілдері оқиға орнына келді.

Оқиғадан кейін, шамасы, Семей қаласы әкімдігінің баспасөз қызметі «көпірдің құрылымында айтарлықтай көрінетін зақым жоқ» деген хабарлама жариялады. Дәл осы көпірдің құлауы салдарын бағалау желі қолданушыларының күлкісін келтірді.

Олар қала әкімдігінің парақшасында мынандай пікірлер қалдырды:

«Иә, көпір құрылымында айтарлықтай көрінетін зақым жоқ». Күлдіртпеңізші! Бізге барлығы елестеп жатыр, барлығымыз оның құлауға сәл-ақ қалғанын көріп тұрмыз».

«Көпірдің салынғанына 60 жыл. Жаңасын салатын уақыт келді. Әлде бірдеңе болғанын күтіп жүрсіз бе? Содан кейін ғана қозғала бастайсыздар ма?».

«Көпірде көрінетін зақым жоқ» ол құлап жатқанын есепке алмағанда».

«Иә, жақсы, бір бөлігі құлап кетті, бұл түк емес».

Әкімдіктің хабарламасында көпірдің көзге көрінетін зақымы болмаса да, қауіпсіздік мақсатында жабылғандығы айтылды.

– Көпірге тиісті мамандарды тарта отырып, зерттеу жүргізу жоспарланып отыр, оның қорытындысы бойынша түпкілікті шешім қабылданады. Біз жүргізушілер мен жаяу жүргіншілерден қабылданған шараларға түсіністікпен қарауды сұраймыз, - делінген әкімдікте.