Ескі доллар жарамсыз болып қалды ма?

Қазақстанның айырбастау нүктелері қауымдастығы биыл ескі үлгідегі «ақ» долларға қатысты неліктен кенеттен мәселе туындағанын түсіндірді.

Банктегі депозиттен ірі көлемдегі доллар алу кезінде қызметкерлер қолма қол ақшаны тек ескі үлгідегі «ақ» доллармен беруге тырысуда. Себебі биылғы жылы көптеген қазақстандықтар шетелге саяхаттау кезінде 2009 жылға дейінгі дизайндағы долларды айырбастаудан бас тарту жағдайында қиындыққа тап болғаны белгілі болды. Көптеген елдерде жаңа, «көк» долларға артықшылық беріледі екен.

Қауымдастық басшысы Аршын Ғалымбаев айырбастау пункттеріне келетіндер ылғи да тек жаңа валюта алғысы келетінін, бірақ ескілерімен де  ешқандай проблема болмағанын атап өтті. 

Биылғы жылдың басынан бері шетелге барған көптеген қазақстандықтар жергілікті ақша айырбастау пункттері мен дүкендер 2009 жылға дейінгі үлгідегі «ақ» долларды қабылдамағанын айтады. Ескі долларды айырбастау қиын, олар «арзанырақ», яғни қолайсыз бағамен қабылданады.

Бірлестік басшысы мұндай мәселе туралы алғаш рет 2-3 жыл бұрын естігенін атап өтті. Тайландта ескі және жаңа ақша әртүрлі бағаланып, ескі ақша нақты бағамнан арзан әрі әртүрлі бағамен айырбасталған. Содан кейін Тайландқа Индонезия мен Вьетнам сияқты Оңтүстік-Шығыс Азияның басқа елдері, содан кейін Парсы шығанағы елдері мен Египет ескі долларға осындай түсініксіз көзқарас білдіруде.

Бұлардың барлығы қазақтар арасында танымал туристік бағыттар, сондықтан Ғалымбаевтың айтуынша, қазақстандықтар да «ақ» доллардан бас тарта бастады.