Есірткінің бау-бақшасы табылды

Түркістан облысы тұрғынының үйінің ауласынан 281 түп есірткіге ұқсас өсімдік табылды.

Бұл туралы Ішкі істер министрлігі хабарлады.

Тұрғындардың бірі полиция басқармасына құрамында есірткі заты бар өсімдіктерді сақтаумен айналысатыны туралы ақпарат келіп түсті. Іздестіру іс-шарасының нәтижесінде 51 жастағы жергілікті түрғын күдікті ретінде ұсталды.

Үйіне тінту жүргізу барысында үйінің алдына егілген 281 есірткіге ұқсас өсімдікті тауып, тәркіледі. Табылған затқа сараптама тағайындалып, оның сора екенін расталды. Қазіргі таңда ер адамға қатысты сотқа дейінгі тергеп-тексеру амалдары жүргізіліп жатыр.