Есірткіге мас күйдегі жігіт пен 16 жастағы жасөспірім полицейлерге шабуыл жасады

Полицейлерге шабуыл жасағандар құрықталды, деп хабарлайды Orda.kz. 

ІІМ-нің мәліметінше, 6 қазан күні кешке Орал қаласында патрульдік полиция қызметкерлері Toyota Crown Majesta автокөлігін тоқтатқан. Көлік иесінің 5 қазан күні жол апатына себепкер болып, оқиға орнынан қашып кеткені анықталды. 

Құжаттарды тексеру барысында 22 жастағы жүргізуші мен 16 жастағы жолаушы қарсылық көрсеткен. Жүргізуші қашып кетуге тырысқан. Кейін олар полиция қызметкерлеріне шабуыл жасаған.

Медициналық тексеріс нәтижесі бойынша жүргізушінің есірткілік масаң күйде болғаны анықталды. Екі құқық бұзушы да уақытша ұстау изоляторына қамалды.