Есірткіге еліткен автобус жүргізушісі ұсталды

"Павлодарда автобус жүргізушісі есірткіге масайып көлік тізгіндеген" деп хабарлайды Polisia.kz.

Полиция қызметкерлері күнделікті көлікті мас күйде жүргізудің алдын алу бойынша жұмыстар жүргізеді. Биылдың өзінде Павлодар облысында мас күйде көлік тізгіндеген 787 жүргізуші жазаланды, соның 324-і облыс орталығында ұсталды. 

«Сағат 09:15 шамасында облыс орталығында Қамзин көшесі ,бойынды 35 маршрут автобус жүргізушісі тоқтатылды. Әңгімелесу кезінде полиция қызметкері оның мінезінің оғаштығын байқады. Сараптама нәтижелері полицияның күдігін растады, автобус жүргізушісі есірткіге елітіп алған. Жүргізушіге қатысты әкімшілік материал толтырылып, қарау үшін сотқа жіберілді. Автобус желіден алынды», – деді Павлодар қаласы ПБ патрульдік полиция батальонының командирі Айдар Сламбеков.