Есірткі тасымалдаған 2 кәсіпкер әйел 10 жылға сотталды

СҚО-да есірткі қылмысына қатысы бар екі әйел құрықталды, деп хабарлайды Orda.kz. 

 ІІМ-нің мәліметінше, 2024 жылдың қаңтарында СҚО ПД есірткі қылмысына қарсы іс-қимыл басқармасының қызметкерлері Петропавлға есірткі жеткізетін ірі арнаны тауып, 37 және 33 жастағы екі кәсіпкерді ұстаған. 

Жеке тінту кезінде және әйелдердің тұрғылықты жері бойынша 158 грамнан астам α-PvP табылды. Сондай-ақ электронды таразы, орау материалы және басқа да орау құралдары тәркіленді.

Полицейлер екі әйелдің де есірткіні заңсыз қолданудың салдары туралы өте жақсы білетіндігін атап өтті. Себебі 33 жастағы әйелдің жұбайы «синтетика» сатқаны үшін жазасын өтеп жатқан көрінеді. 

Сот шешімімен Петропавл қаласының 37 жастағы тұрғыны 11 жылға, оның сыбайласы 10 жылға бас бостандығынан айырылды.