Есірткі өндіретіндер өмір бақи бас бостандығынан айырылуы мүмкін

Ішкі істер министрлігі биылғы жылдың жеті айында синтетикалық есірткімен айналысатын 24 астыртын есірткі өндірушінің жойылғанын хабарлады. 200 келіден астам пайдалануға дайын заттар мен екі тоннадан астам прекурсорлар тәркіленді.

Бұл туралы министрліктің баспасөз қызметі хабарлады.

Анықталған есірткі зертханалары саны бойынша 11 өндіріс орны анықталған,  Алматы қаласы көш бастап тұр. Алматы облысында жеті зертхана жойылды, ол екінші орында.

Алматыда соңғы екі аптада екі есірткі зертханасы жойылды. Шілде айының соңында мефедрон шығаратын үйді жалға алған Астананың үш тұрғыны ұсталды. Олардан 20 келі есірткі, 250 литр прекурсорлар мен құрал-жабдықтар тәркіленді.

Араға он күн салып, 23 жастағы Алматы тұрғынынан мефедрон мен есірткі синтезіне арналған құрал-жабдықтар тәркіленді. Тапсырушылар оған дайын заттың келісі үшін 1,5 миллион теңге төлеуге уәде беріпті.

Ішкі істер министрлігінің мәліметінше, есірткі қылмысының артуы қосымша шараларды қажет етеді. Есірткі өндіруге арналған химиялық жабдықтардың заңсыз айналымы үшін қылмыстық жауапкершілік енгізілді. Қазір Мәжілісте есірткі өндіруге жазаны өмір бойына бас бостандығынан айыруға дейін қатайтатын заң жобасы қаралып жатыр.