Есірткі қылмысына қатысы бар күдікті Түркиядан Қазақстанға экстрадицияланды

Ірі көлемде есірткіні сату мақсатында заңсыз өсірді және сақтады деген күдікпен іздеуде жүрген ер адам Қазақстанға депортацияланды.

Батыс Қазақстан облысының полиция департаменті 52 жастағы қазақстандыққа халықаралық іздеу жариялады. Ол жалпы салмағы 18 келі болатын 96 түп марихуана өсірген, сондай-ақ оларды Орал қаласында өткізу мақсатында сақтады деген күдікке ілінді.

Қылмыскер Түркияда табылды.

ҚР ІІМ Интерпол Ұлттық орталық бюросының сұрауы бойынша ер адам ұсталды. Түркия билігі оны Астанаға депортациялады. Келгеннен кейін қылмыскер уақытша ұстау изоляторына қамалды.