Есірткі қылмысына қарсы департаменттің екі бастығы ұсталды

Әлеуметтік желіде екі полиция подполковнигінің пара алып жатқан жерінен ұсталған видеосы тарады. Бұл жайлы Антикор түсініктеме берді, деп хабарлайды Orda.kz порталы.

Антикор видеодағы жағдайды растады. 

«Қазіргі уақытта Жамбыл облысы бойынша Сыбайлас жемқорлыққа қарсы қызмет Жамбыл облысы полиция департаментінің есірткі қылмысына қарсы күрес жөніндегі ауданаралық бөлімінің бөлім басшыларына қатысты сотқа дейінгі тергеп-тексеру жұмыстарын жүргізуде» деп жазылған мемлекеттік мекеме хабарламасында.

Ведомство өкілдері Қылмыстық-процестік кодекстің 201-бабына сәйкес өзге мәліметтер жария етуге жатпайтынын хабарлады.