Есірткі қылмысы: Жезқазғанда істі болған әйел тергеуге қарамастан қылмысын жалғастырған

Жезқазғанда есірткі таратқына үшін істі болған әйел тергеуге қарамастан ескі әдетіне салып жұмысын жалғастырған, деп хабарлайды Orda.kz.

Жоғарғы сот баспасөз қызметінің мәліметінше, 22 жастағы есірткі тасымалдаушы ірі көлемдегі есірткімен ұсталып, ешқайда кетпеу туралы қолхатпен босатылған болатын. Алайда, ол Шахтинск қаласына қашып кетіп, сол жерде қайтадан есірткі жасырумен айналысуды жалғастырып келген.

Сотта анықталғандай, 2023 жылдың жазында Жезқазғанның 22 жастағы тұрғыны интернет арқылы бір адаммен танысып, оған ақша табудың жолын ұсынғанын естіген. Ақшаға мұқтаж болғандықтан, ол есірткі тасымалдаушы болуға келіскен.

Тергеу барысында әйелді СИЗО-ға қамаудың орнына, ешқайда кетпеу туралы қолхатпен босатқан. Бірақ күдікті бұл міндеттемені елемей, Шахтинск қаласына кетіп қалған. Сол жерде ол бұрынғы тәсілімен есірткі жасырған. Қайта ұсталғанда, оның жанынан есірткі, орауға және буып-түюге арналған заттар табылған. Нәтижесінде, есірткі тартуымен айналысқан әйел 10 жылға бас бостандығынан айырылды.