Есіл өзені арнасынан асуы мүмкін

Қазгидрометтің болжамы бойынша Есіл өзені арнасынан асуы мүмкін, деп хабарлайды Orda.kz порталы.

«Қазгидромет» РМК баспасөз хатшысы Алина Исмагулованың айтуынша, бес облыс бойынша төрт гидрологиялық дауылды ескерту жарияланған.

«Өткен тәулікте бес облыс бойынша төрт гидрологиялық дауылды ескерту жарияланды — Солтүстік Қазақстан, Шығыс Қазақстан, Абай, Түркістан және Алматы облыстарында. Солтүстік Қазақстан облысында 15-19 сәуір аралығында Ақмола облысынан Терісаққан, Жабай және Қалқұтан өзендерінен жанама ағындардың келуіне байланысты Есіл өзені бойындағы Ғ. Мүсірепов, Шал ақын және Есіл аудандарында су деңгейінің көтерілуі, су тасқынының екінші толқыны және қауіпті деңгейден асуы күтілуде», — деді ол.