Есік қаласында 4 жасар қыз зорланды

Алматы облысының Есік қаласында 4 жасар қызды зорланды. Қайғылы оқиға туралы құқық қорғаушы Дина Таңсәрі хабарлады.

- Балаға шұғыл ота жасалып, тергеу шаралары жүргізіліп жатыр. Отбасындағы зорлық-зомбылыққа тыйым салу туралы заңдардың болмауы - қоғамның тозуына және ыдырауына әкеледі, - деді Дина Таңсәрі.

Алматы облысының полиция департаменті зорлау фактісін растап, оқиғаға қатысты түсініктеме берді. Оқиға 13 сәуірде Еңбекшіқазақ ауданында тіркелген.

- Аса ауыр қылмыс жасады деген күдікпен қазіргі Қызылорда облысының 43 жастағы тумасы ұсталды. Болжам бойынша, күдікті ер адам соңғы бірнеше күн бойы жәбірленушінің отбасына барып, мас күйінде болған, - деп хабарлады полицияның баспасөз қызметі.

Тергеу жұмыстары облыстық полиция басшылығының ерекше бақылауына алынды. Бала әлі дәрігерлердің бақылауында.