Ешнәрсеге жетпейді, бірақ жиған-тергеніміз бар - Амандық Баталов

Алматы облысының экс-әкімі Амандық Баталов зейнетақысының өзіне жетпейтінін журналист Аман Тасығанға берген сұхбатында айтты.

Ол қазіргі таңда 130 мың теңге зейнетақы алса да, оны жеткізе алмай отырғанын мойындады.

- Зейнетақым 130 мың теңге бәріне жетеді деп айту ұят, әрине жетпейді. Бірақ жиған-тергеніміз бар ғой. Неше жыл әкім болып істеп осындай зейнетақы аламын, - дейді экс-әкім.

Бұрынғы әкім соңғы жалақысының өте жоғары болғанын еске алды. Ол өзінің қызмет өтілінің көптігіне байланысты 2 млн 400 мың теңге алғанын да жасырмады.

Зейнетақысының мөлшеріне шағымданғанымен балаларының түрлі қызметте істейтінін алға тартқан Баталов қаржыдан қатты қиналмайтынын алға тартқан.