Есепші бүтіндей мемлекеттік кәсіпорын ақшасын бәске тігіп жіберді

Батыс Қазақстан облысында мемлекеттік кәсіпорындардың бірінің есепшісі 118 млн теңгені бәске тігіп жіберген, деп хабарлайды Orda.kz.

Бас прокуратураның мәліметінше, айыпталушы ұрланған ақшаға көлік сатып алған.

«Алдын ала мәліметтерге сәйкес,  кәсіпорынның лудоманияға шалдыққан бухгалтері компания қаражатын заңсыз пайдаланып, оларды букмекерлік кеңсеге бәске тіккен. Сондай-ақ ұрланған ақшаға жаңа автокөлік сатып алған» деп жазды Бас прокуратура.

Бөтен мүлікті аса ірі мөлшерде заңсыз иемдену фактісі бойынша Қазақстан Республикасы Қылмыстық кодексінің 189-бабы 4-бөлігінің 2-тармағына сәйкес сотқа дейінгі тергеп-тексеру басталды. Тергеуді арнайы прокурорлар жүргізіп жатыр. Айыпталушы тергеу изоляторында қамалып, көлікке тыйым салынды.

Оқи отырыңыз:

• Қазақстанда жаңа Конституцияның жобасы жарияланды
• Доллар неге күрт арзандап кетті?
• Тоқаев: Бюджет қаражатын игере алмай отырсыздар