Ержан Еркінбаев мәдениет және спорт вице-министрі қызметіне тағайындалды

cover

Қазақстан Республикасы үкіметінің қаулысымен Ержан Мәлікұлы Еркінбаев ҚР мәдениет және спорт вице-министрі қызметіне тағайындалды. Ақпарат премьер-министрдің ресми сайтында жарияланды.

Бұл туралы Orda.kz хабарлайды.

Ержан Еркінбаев 1982 жылы Жамбыл облысының Шу қаласында дүниеге келген. 

Қазақ мемлекеттік заң академиясын, РФ Президенті жанындағы Ресей халық шаруашылығы және мемлекеттік қызмет академиясын және Халықаралық бизнес академиясын тәмамдаған. 

Еңбек жолын 2002 жылы жеке компанияда заңгер болып бастаған. Түрлі жылдары жеке компанияларда жоба жетекшісі, заңгер болып жұмыс істеген.

2009-2013 жж. — «Шымбұлақ» тау шаңғысы курортының бас директоры.

2013-2016 жж. — «Медеу» спорт кешенінің бас директоры.

2016-2019 жж. — Алматы мемлекеттік зоологиялық паркінің директоры.

2019 жылғы қарашадан бастап қазіргі уақытқа дейін «Kazakh Tourism» Ұлттық компаниясы» АҚ басқарма төрағасы болды.

Жаңалықтар

барлық жаңалықтар