«Ертең жаппай қырғын  болады» - Лукашенко Украина туралы

Беларусь президенті соғысушы екі ел арасында Минскіде келіссөздер жүргізуге тағы да ұсыныс жасады.

Александр Лукашенко Беларусьте өткен шаңғышылар мен биатлоншылардың республикалық жарысында Ресей мен Украина арасындағы жағдай туралы айтты. Оның айтуынша, қазір екі ел арасында болып жатқанның бәрі әлі соғыс емес, ертең бәрі өзгеруі мүмкін.

— Киевті қоршап алған, олар шулап жатыр. Адамдар өліп жатыр, олар әлі де шулап жатыр. Бірақ сіздер  кеше Ресей Президентінің ұстанымын естідіңіздер, ол айтылды, ол менімен осы тақырыпта сөйлесті, мен: «Мархабат! Кез келген жерде есік ашық» дедім, - деп жауап берді Лукашенко Беларусьтың  ОНТ.  арнасы тілшілеріне.

Лукашенко Ресей мен Украина арасында әлі де қақтығыс бар, оны тоқтатпаса, «ертең нағыз соғыс, арғы күні  жаппай қырғын болады» деп есептейді.

— Сондықтан, егер олардың миы болса, әр елде әртүрлі есерсоқтар  болады, олар шешім қабылдасын, келісім үстеліне келіңіздер. Ресей  осы күндері үшінші рет өз шарттарын ұсынуда, олар бүгінде Ресей ұсынған шарттарға келісуге дайын дерлік жағдайда. Біз нені күтеміз? Біріншіден, адамдар өліп жатыр.  Ертең, мүмкін, бұл келіссөздер ешкімге керек емес болып қалуы да ықтимал, - деді Лукашенко.

Ол Украинаның келіссөздерді кешіктіруі Батыстың көмегіне деген үмітке негізделген деп болжады.

Ресей мен Украина арасындағы қарулы қақтығыс 24 ақпанда Ресей президенті Владимир Путин Донбаста арнайы әскери операция өткізу туралы шешім қабылдағаннан  кейін  басталды.