Ермұрат Бәпи Мәжіліс сайлауына қатысу үшін өз кандидатурасын ұсынды

Ермұрат Бәпи Мәжіліс сайлауына қатысу үшін өз кандидатурасын ұсынды.

Бәпи №3 Алматы бір мандатты сайлау округінен үміткер болатынын мәлімдеді.

Бәпи 1959 жылы Шығыс Қазақстан облысында дүниеге келген.

Тынық мұхит флотында сүңгуір қайықшы ретінде әскери қызметін атқарғаннан кейін Қазақ мемлекеттік университетінің журналистика факультетін бітірген.

Соңғы 25 жылға жуық Шығыс Қазақстан облыстық газетінде тілші, Қазақ радиосы бас редакторының орынбасары, республикалық «Егемен Қазақстан» газетінде шолушы, ҚР Премьер-Министрінің баспасөз қызметі жетекшісінің орынбасары қызметтерін атқарды. DAT медиа жобасының («Дат, Солдат», «Тасжарған», «Жұма-таймс», «Айна плюс», «Қоғамдық ұстаным» танымал басылымдары) жетекшісі болды.

Бәпи – Қазақстан Журналистер одағының басқарма мүшесі, журналистика саласындағы халықаралық және республикалық байқаулардың лауреаты, Қазақстанның Құрметті журналисі, үздік қызметі үшін Қазақстан Журналистер одағының алтын медалімен марапатталған.