Ерлі-зайыптылардың пәтеріне кіріп, иелеріне оқ атқан ер адам құрықталды

Алматыда ерлі-зайыптылардың пәтеріне кіріп, иелеріне оқ атқан 38 жастағы ер адам ұсталды, деп хабарлайды Orda.kz.

Еске сала кетейік, Алматының Наурызбай ауданындағы тұрғын үй кешеніне қарулы адам басып кіріп, екі адамды атып кетті. 


Полицияның мәліметінше, қарақшылық шабуыл салдарынан ерлі-зайыптылар ауыр жарақат алған. Олар қазір ауруханада. Күдікті Жетісу облысынан келген 38 жастағы ер адам. Бір күн бұрын ол ұсталып, қамауға алынды

«Күдікті бірнеше күн бұрын ерлі-зайыптыларға жаңа жиһаз орнатқан кезде сейфті байқап қалған.  Бетін медициналық маска киіп,  мойын орағышпен тұмшалаған ер адам жұма күні таңертең жәбірленушілердің есігіне қоңырау шалады. Мылтықпен қорқытқан шабуылдаушы ақша беруді талап етті. Алайда, күйеуі көмекке шақыра бастады. Осы кезде күдікті жұбайларды атып, қашып кетті» - деді полиция полковнигі Талант Исаев. 

Сотқа дейінгі тергеу жалғасуда. Қылмыстың басқа жағдайлары әзірге белгісіз.