Ерлан Нұрпейісов Төтенше жағдайлар вице-министрі қызметінен босатылды

17 қаңтарда Ерлан Нұрпейісовті Төтенше жағдайлар вице-министрі қызметінен босату туралы Қазақстан Республикасы Үкіметінің қаулысы жарияланды, деп хабарлайды Orda.kz.

Ол бұл қызметке 2023 жылдың 12 қыркүйегінде тағайындалды.

53 жастағы Нұрпейісов Шығыс Қазақстан облысының тумасы. Қазақстан Республикасы Ішкі істер министрлігінің Алматы техникалық институтын бітірген.

1992 жылы ІІБ Өрт сөндіру бөлімінің оқу және өрт сөндіру қызметі, өрт техникасы және байланыс бөлімінің инженері болып жұмысын бастады.

1993-2005 жылдар аралығында Шығыс Қазақстан облысының мемлекеттік өртке қарсы қызмет органдарында әртүрлі лауазымдарда қызмет атқарды.

2005-2006 жылдары - Шығыс Қазақстан облысы Төтенше жағдайлар саласындағы мемлекеттік бақылау және қадағалау департаменті Өрт сөндіру және авариялық-құтқару жұмыстары бөлімдері қызметін үйлестіру басқармасы бастығының орынбасары.

2006-2007 жылдары Шығыс Қазақстан облысының өртке қарсы қызмет басқармасы бастығының орынбасары қызметін атқарған.

2007-2012 жылдары ШҚО Төтенше жағдайлар департаментінің өрт сөндіру және авариялық-құтқару жұмыстары қызметінің бастығы.

2012-2018 жылдары - Алматы қаласы Төтенше жағдайлар департаменті бастығының орынбасары.

2018-2020 жылдары - Алматы облысы Төтенше жағдайлар департаментінің бастығы.

2020 жылдың қыркүйегінен 2023 жылға дейін Шығыс Қазақстан облысы Төтенше жағдайлар департаментінің бастығы қызметін атқарды.