Еркін күрестен Данияр Қайсанов жартылай финалға өтті

Еркін күрестен 74 келіге дейінгі салмақ дәрежесінде Токиодағы олимпиада ойындарында өнер көрсетіп жатқан Данияр Қайсанов жартылай финалға өтті.

Бұл туралы Orda.kz хабарлайды.

1/8 финалды жапон спортшысы Отогуро Кейсукемен кездескен Данияр Қайсанов жеңіске жеткен болатын. Ширек финалда мысырлық Амр Реда Хуссенмен кездесіп, қарсыласын 8:5 есебімен жеңді.

Отандық балуан келесі қарсыласы әлем чемпионы ресейлік Заурбек Сидаковпен боз кілемге сағат 15:00 уақытында шығатын болады.

Еске салайық, Токио Олимпиадасында еркін күрестен 57 келіге дейінгі салмақ дәрежесінде жартылай финалдық белдесуде қазақстандық Нұрислам Санаев жеңіліп қалды. Енді Нұрислам Олимпиаданың қола медалі үшін күресетін болады.