Ереуілге шыққан Ереван халқы биліктің отставкаға кетуін талап етті

Арменияда шекара маңындағы жерді Әзірбайжанға беру туралы шешімге қарсы халық көтерілді.

Бұл туралы халықаралық Al Jazeera телеарнасы хабарлады.

Естеріңізге сала кетейік, жақында Армения мен Әзірбайжан арасында Арменияның жерін беріп, шекараны межелеу туралы келісімшарт болды. Армения шекара аумағындағы 4 ауылды қайтарды. Наразылық білдіргендерді премьер-министр Никол Пашинян «әзірбайжандықтардан қорықпай, саудаласуға» шақырды.

Ереван халқы бұл шешімге наразылық білдіріп көтеріліске шықты. Нәтижесінде халық пен полиция арасында қақтығыстар басталды. Дүрбелең кезінде жарақат алғандар бар. Арменияның ІІМ мәліметінше, митингке шыққан 42 ереуілші ұсталды. 

«Біз бұл биліктің дереу отставкаға кетуін талап етеміз. Олар отанның, халықтың игілігі үшін шешім қабылдайтынын айтты. Бірақ сөздерінде тұрмады», – деді көтеріліске шыққан Зоя Джулхакян.