Ерейментауда жас футболшылар апатқа ұшырады: басшылық турнир туралы білмеген

Балалар футбол клубының жетекшісі Берік Жақып Ақмола облысында жол-көлік оқиғасында қаза тапқан жаттықтырушы Әлібек Жүсіповтың сапары басшылықпен келісілмегені және полицияның хабарламасынсыз өткені мәлім болды, деп хабарлайды Orda.kz «За нами уже выехали» тelegram-арнасына сілтеп.  

«Біз балалар футбол клубының жетекшісі Берікбол Жақыппен байланыстық. Ол қаза тапқан Әлібек Жүсіповпен төрт жыл бойы бірге жұмыс істегенін және осы уақыт ішінде олар бір-біріне және полиция қызметкерлеріне хабарлап, балаларды жарысқа басқа қалаға алып бара жатқанын айтып отырған.  Жақыптың айтуынша, бұл жолғы сапарды клубта ешкім ештеңе білмеген» деп жазылған хабарламада.

Оның айтуынша, ата-аналар тобы ерікті түрде құрылған.

«Жүсіпов бір топ баламен жолға шыққан. Ол бұл жарысты өзі тауып, келіскен, бірақ ешқандай ақпарат жоқ. Біз тіпті жүргізушіні бірінші рет осы жерден көрдік. Турнирдің атауын да білмеймін. Ата-аналармен топ құрылған, біз бұл топта да жоқпыз. Бізге ешқандай ақпарат берген жоқ», - деді клуб жетекшісі. 

15 бала Павлодарға оралды, бір бала Ерейментау ауруханасында бақылауда. Бұған дейін полиция хабарлағандай, арнайы органдарға автобусты алып жүру туралы өтініш түспеген.

Бұған дейін Orda.kz 18 сәуірде «Астана - Ерейментау - Шідерті» автожолында шағын автобустың қатысуымен ЖКО болғанын, оның салонында 14 пен 16 жас аралығындағы 16 бала және оқиға орнында қайтыс болған жаттықтырушысы болғанын хабарлаған. 

Мәлімет бойынша, полицияға жол жүру туралы хабарланбаған, сондықтан патрульдік көлік еріп жүрмеген. Кейіннен осы жол-көлік оқиғасының мән-жайы мен себептерін тексеру Ақмола облысы полиция департаменті басшылығының бақылауында екені хабарланды.