Ердоған Донбас, Запорожье және Херсонның Ресейге қосылуы туралы айтты

Түркия президенті Режеп Тайып Ердоған Нью-Йоркте БҰҰ Бас ассамблеясының 77-ші сессиясының жоғары деңгейдегі апталығында сөз сөйледі. Түрік басшысы оның елі Ресей Федерациясы КХДР, ЛХР, Херсон және Запорожье облыстарында өткізетін референдум нәтижелерін ешқашан мойындамайтынын айтты.

MK басылымының хабарлауынша, бұған дейін АҚШ, Германия, Польша, Франция және Ұлыбритания билігінің өкілдері осындай мәлімдеме жасаған.

Ердоған Түркияның Анталия мен Ыстамбұлда бетпе-бет келіссөздер ұйымдастыру арқылы Украина мен Ресей арасындағы диалогты ілгерілетуге белсенді үлес қосқанын еске салды. Сондай-ақ, халықаралық ұйымдар мен барлық елдерді Түркияның Украинада тұрақты бейбітшілік орнату әрекетін шын жүректен қолдауға шақырды.

— Біз мәселені аумақтық тұтастық негізінде және Украинаның тәуелсіздігін ескере отырып шешуді жақтаймыз. Ресей Федерациясы мен Украинаға дағдарысты оңтайлы түрде еңсеруге мүмкіндік беретін ақылға қонымды, әділ және өміршең дипломатиялық шешім табу үшін бірлесіп жұмыс істеу маңызды,- деді Түркия басшысы.

Бұған дейін Запорожье және Херсон әкімшіліктері, сондай-ақ, ДХР және ЛХР үкіметтері 23-27 қыркүйек аралығында өз аумақтарын Ресейге қосу мәселесі бойынша референдум өткізуді белгіледі.

Айта кетсек, Нью-Йорктегі сөйлеген сөзінің алдында Ердоған Украина президенті Владимир Зеленскиймен телефон арқылы сөйлескен.