Ердоған ант беріп, Түркия президенті қызметіне кірісті

Анкарадағы Түркия Ұлы Ұлттық Мәжілісінде  ұлықтау рәсімі өтті.

Режеп Тайып Ердоған Анкарада Түркия Ұлы Ұлттық Мәжілісінде ант беріп, Түркия президенті қызметіне кірісті. Ол енді тағы бес жыл бойы мемлекетті басқарады. Түркия президентінің инаугурациясына 78 елдің жоғары лауазымды тұлғалары қатысуда, деп хабарлайды ТАСС түрік басшысы кеңсесіндегі дереккөзге сілтеме жасап.

Инаугурацияға 20-дан астам мемлекеттің басшылары, оның ішінде Қазақстан президенті Қасым-Жомарт Тоқаев, 13 премьер-министр, парламент пен министрлік өкілдері қатысуда. Сондай-ақ халықаралық ұйымдардың, соның ішінде НАТО, Түркі мемлекеттері ұйымы және Ислам ынтымақтастығы ұйымының өкілдері де қатысады.

Негізгі бөлім аяқталған соң шақырылған қонақтардың барлығы президент сарайына қарай аттанатыны белгілі. Ұлықтау рәсімі, содан кейін мерекелік кешкі ас беріледі. Кешке Ердоған жаңа министрлер кабинетін жариялайды.