Ердоғанның мәлімдемелерінен кейін Израиль Түркиядағы дипломаттарын кері қайтарды
Бұл Түркия басшысының Ыстамбұлда мыңдаған адам қатысқан митингіде айтқан шулы мәлімдемесінен кейін болған әрекет.
Бүгін Режеп Тайып Ердоған Ыстамбұлда мыңдаған палестиналықтарды қолдау митингісінде сөз сөйледі.
«Біз Израильді әскери қылмыскер деп жариялаймыз және бұл туралы халықаралық қауымдастыққа хабарлаймыз. Қазір біз осымен жұмыс істеп жатырмыз», - деді Түркия басшысы.
Ол сондай-ақ Израильді «басқыншы» және «қылмыстық топ» деп атады. Сонымен бірге ол өз сөзінде олардың Тель-Авивке ғана емес, Газа секторында болып жатқан оқиғаларға жауапты деп санайтын Батыс елдеріне де үндеу жасады.
«Әй, Батыс! Мен сенімен сөйлесіп жатырмын. Крест пен жарты ай арасындағы соғысты қайтадан бастағыңыз келе ме? Осылай етсеңдер, [түркі] халқы өлмегенін біліңдер. Біз биік тұрамыз. Біз Ливияда, Қарабақтағы сияқты, Таяу Шығыста да [іс-қимыл жасаймыз]», - деп келтірді Ердоғанның сөзін BBC.
Ердоғанның қара қылды қақ жарған сөзі жауапсыз қалмады. Израиль Сыртқы істер министрі Эли Коэн дипломаттарын Түркиядан шығаруға шешім қабылдағанын мәлімдеді.
«Түркияның мәлімдемелерін ескере отырып, мен Израиль мен Түркия арасындағы қарым-қатынасты қайта қарау үшін дипломатиялық өкілдерді елге қайтаруды бұйырдым» деп жазды Коэн желіде.
Бір күн бұрын Израиль Газа секторындағы құрлық операциясын кеңейтті. Палестина анклавында телефон және интернет байланысы жоғалып кетті, халықаралық құқық қорғау ұйымдары өз қызметкерлерімен байланыса алмайды, деп хабарлайды Euronews. Түнгі шабуыл соңғы үш аптадағы ең күштісі болды. Израиль нысаналар Хамастың жер асты туннельдері екенін айтады.
Газа секторында Израильмен қақтығыс ушыға бастағаннан бері қаза тапқандар саны 7,7 мыңнан асты. Бұл туралы 28 қазанда анклавтың Денсаулық сақтау министрлігі хабарлады. Олардың арасында 3595 бала бар, деп жазады Anadolu. Израильде қаза тапқандар саны 1400-ден асады.
Жаңалықтар
- Қазақстан мен Жапония су тасқынымен күресуде күш біріктіреді
- «Атырау-Орал» тас жолы тасқын суды өткізу үшін қазылды
- СҚО-да су басқан үй қалмады – Төтенше жағдайлар министрлігі
- Арықтарды жөндеу Алматыны су басудан құтқармайды
- Orda News аптаның басты оқиғаларына шолу жасады
- Ердоған қапаста жатқан бұрынғы жеті генералға рақымшылық жасады
- Қасым-Жомарт Тоқаев БАӘ президенті Мұхаммед бен Заид Әл Нахаянмен телефон арқылы сөйлесті
- Тоқаев Путинмен телефон арқылы сөйлесті
- Атырауда облыс әкімдігіне қарама-қарсы орналасқан көрікті жерлер су астында қалды
- Қазақстанда Ресей заңнамасын бұзған Өзбекстан азаматтары ұсталды
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады
- Музейлер түні 2024: Алматы мен Астананың толық бағдарламасы
- Бішкекте шетелдіктермен төбелес болып, мыңдаған адам көшеге шықты
- Құлсарыда су тасқынынан зардап шеккен тұрғындар үшін 150 үйдің құрылысы басталады
- Бектенов Тоқаевқа су тасқыны зардаптарын жою туралы баяндады
- Жыл басынан бері мемлекет пайдаланылмай жатқан 645 мың гектар жерді қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады