Ердоған өз орнына ұлын дайындап жатыр — Bloomberg

Түркия президенті Режеп Тайып Ердоған өз орнын басатын мұрагер ретінде ұлын дайындап жатыр, деп хабарлайды Orda.kz Bloomberg сайтына сілтеп. 

20 жылдан астам уақыттан бері билік етіп келе жатқан Ердоған саясатқа өз ұлы Билал Ердоғанды біртіндеп тартуы мүмкін.

44 жастағы Билал уақыт өткен сайын көп көзге түсіп жүр. Мысалы, әкесімен шетелдік сапарларға бірге барады, шенеуніктерді іріктеуге қатысады және Түркияның билеуші партиясы — Әділет және даму партиясында өзіне адал жақтастар тобын құрып жатыр.

Билал әзірге саяси амбициялары бар екенін жоққа шығарса да, сарапшылар оның бейресми түрде көшбасшылыққа дайындықтан өтіп жатқанын және болашақта партия басшысы әрі вице-президент болуы мүмкін екенін айтады.

Оқи отырыңыз:

• Ердоған Тоқаевты Түркияның ең жоғары мемлекеттік орденімен марапаттады
• Ердоған Түркиядағы түркі тілдес халықтардың жұмысқа орналасу ережесін өзгертті
• Ердоған Қазақстанды ортақ түркі әліпбиіне көшуге шақырды