Ердоған: Қырымды Ресей аумағы деп мойындамаймыз

Түркия президенті Режеп Тайып Ердоған 21 қыркүйекте БҰҰ Бас Ассамблеясы 76-сессиясында сөйлеген сөзінде Анкара Ресей Федерациясының Қырымды аннексиялауын мойындамай, Украинаның аумақтық тұтастығын сақтайды деп мәлімдеді.

Бұл туралы Orda.kz Ердоғанның сөзін YouTube-те жариялаған «Анадолу» агенттігіне сілтеме жасап хабарлайды.

- Біз Украинаның аумақтық тұтастығы мен егемендігін, оның ішінде аннексиясын мойындамайтын Қырымды қорғауға мән береміз, – деді Ердоған.

Түркия СІМ сейсенбіде Қырымда өткен Ресей Мемлекеттік Думасына сайлау нәтижелерін мойындамайтынын айтты.

«2021 жылғы 17-19 қыркүйекте Ресейдің Мемлекеттік Думасына, оның ішінде Қырымда өткен сайлау нәтижелері Түркия үшін заңды күшке ие емес» – делінген хабарламада.