Ердоған Путиннің шешімі дұрыс емес екенін айтты

Түркия президенті Режеп Тайып Ердоған Ресей президенті Владимир Путиннің ДХР мен ЛХР тәуелсіздігін мойындау туралы шешіміне қатысты пікір білдірді.

- Мұндай шешім қабылдауға болмайды деп санаймыз. Біз тараптарды халықаралық құқықты құрметтеуге шақырамыз, - деді Түркия президенті.

ТАСС агенттігінің хабарлауынша, Ердоған Украина президенті Владимир Зеленскийдің Украина, Германия және Түркияның қатысуымен БҰҰ Қауіпсіздік кеңесі отырысын шақыру туралы ұсынысын «оң көзқарас» деп санайды.

Ресей президенті Донецк және Луганск халық республикаларының тәуелсіздігін мойындау туралы шешім қабылдады. Бұл туралы ол 21 ақпандағы жолдауында айтты.

Әлемдік саясаткерлер Ресейдің Донецк және Луганск халық республикаларын мойындауына қатысты әртүрлі сыни пікірлер айтты.