Ердоған Еуропа елдерін Түркияның Еуроодаққа кіруіне мүмкіндік беруге шақырды

Түркия президенті Режеп Тайып Ердоған Еуропа елдерін Түркияның Еуропалық Одаққа кіруіне мүмкіндік беруге шақырды. Ердоған Анталияда өткен оңтүстік-шығыс Еуропа елдерінің саммитінде осындай мәлімдеме жасады.

Бұл туралы Orda.kz хабарлайды.

Түркия басшысының айтуынша, ЕО Анкарасыз «нағыз күштің орталығы» бола алмайды. Осы жылдың наурыз айында Еуропалық Одақтың (ЕО) Халықаралық істер жөніндегі Жоғарғы өкілі Хосеп Боррелл Түркия билігін әйелдерге қатысты зорлық-зомбылықтың алдын алу және Стамбул конвенциясынан шығу туралы шешімінен бас тартуға шақырды.

20 наурыз күні Түркия тиісті құжаттан бас тартты, ал ел басшылығы «дәстүрлі құндылықтарына» сәйкес әйелдер құқығы үшін күресуге уәде берді.

Жалпы, Түркияның ЕО-ға кіру туралы келіссөздері тек 2005 жылы басталды және содан бері бірқатар келіспеушіліктерге байланысты тоқтатылған еді.