Ердоған АҚШ әскерін Сирия мен Ирактан да шығару керектігін айтты

Түркия президенті Режеп Тайып Ердоған Америка әскерінің Ауғанстаннан шыққаннан кейін, Сирия мен Ирактан да шығуы керектігі туралы айтты.

Бұл туралы Orda.kz  Face the Nation youtube арнасына сілтеме жасап.

Бұл туралы түрік басшысы CBS телеарнасындағы апта сайынғы американдық жаңалықтар бағдарламасына берген сұхбатында айтты.

– Әрине, егер менің таңдауым болса, мен олардың Ауғанстан сияқты Сирия мен Ирактан кетуін қалар едім. Егер біз бүкіл әлемде бейбітшілікке қызмет еткіміз келсе, онда бұл аймақтарда қалудың мағынасы жоқ. Біз осы арқылы бұл адамдарға және осы әкімшіліктерге мәселені өзара шешуге мүмкіндік бере аламыз, - деді Ердоған.

Саясаткер өз кезегінде Анкара Сирия Араб республикасында елді қалпына келтіру міндетін атқаратынын атап өтті. Атап айтқанда, Түркия 100 мың тұрғын үй салмақ.

– Адамдар, отбасылар көшіп жатты, оларды өз елдерінен қуып жіберді. Біз олар үшін баспана салып жатырмыз. Маған қызығы, басқа елдер немен айналысып жатыр? - деді Түркия президенті.