Ералы Тоғжанов Ақтөбе облысының әкімі болды

Мемлекет басшысы Қасым-Жомарт Тоқаев Ералы Тоғжановты Ақтөбе облысының әкімі етіп тағайындады. Ол бұрынғы әкім – Оңдасын Оразалинді ауыстырды.

Ералы Тоғжанов екі рет ел премьер-министрінің орынбасары қызметін атқарды.

Тоғжанов Ералы Лұқпанұлы 1963 жылы 13 мамырда Орал облысындағы  Шағатай ауылында дүниеге келген. 1988 жылы Қарағанды ​​мемлекеттік университетін бітірген. «Заңгер» біліктілігі, «Құқықтану» мамандығы. 1994 жылы Қазақстан Республикасы Ғылым академиясының Мемлекет және құқық институтын бітірген.

Еңбек өтілі:

Орал облысындағы Октябрь орман шаруашылығының қызметкері (09.1980-04.1981);

Қарағанды ​​мемлекеттік университетінің мемлекет және құқық теориясы мен тарихы кафедрасының оқытушысы (11.1991-09.1998);

ҚР ҒА Мемлекет және құқық институтының аспиранты (11.1991-11.1994);

ҚР ҒА Мемлекет және құқық институтының ғылыми қызметкері (11.1994-03.1996);

Қазақ мемлекеттік заң университетінің мемлекеттік қызмет және халықаралық құқық факультетінің аға оқытушысы, декан орынбасары (03.1996-07.1997);

Қазақ мемлекеттік заң университетінің халықаралық құқық факультетінің деканы (04.1997-07.1999);

Қазақ мемлекеттік заң университеті филиалының директоры (07.1999-10.2000);

Қазақ мемлекеттік заң университеті Құқық және мемлекеттік қызмет институтының директоры (10.2000-02.2001);

Қарағанды ​​облысы әкімінің орынбасары (02.2001-02.2006);

Қазақстан Республикасы Әділет министрлігі Дін істері комитетінің төрағасы (24.04.2006-02.2008);

Қазақстан Республикасы Президенті Әкімшілігі Қазақстан халқы Ассамблеясы Төрағасының орынбасары – Хатшылығының меңгерушісі (02.2008-03.2017);

Маңғыстау облысының әкімі (14.03.2017-09.2019);

Қазақстан кәсіподақтар федерациясының төрағасы (09.2019-02.2020);

Қазақстан Республикасы Премьер-Министрінің орынбасары (11.02.2020, 18.01.2021, 11.01.2022 бастап қайта тағайындалды).