Ер адамның жүрегінен метал сынығы табылды

Петропавлда көлік жарылды. 22 жастағы ер адам шұғыл ауруханаға жеткізілді. Дәрігерлер оның жүрегінен метал сынығын тапты, деп хабарлайды Orda.kz. 

Тексеру кезінде дәрігерлер кеуде қуысына еніп кеткен жарақатты байқаған. Сонымен қатар өкпенің оң жақ жарақатын және диафрагманың оң күмбезіндегі ақауды анықтады. Ер адамның жүрегінің сол жағындағы тесікте металл сынығы болды. 

Операция шамамен екі сағатқа созылды. Науқас бір литр қан жоғалтты. Бес күн өткеннен кейін науқас өздігінен тыныс ала бастады. Петропавлдық жігіттің  жағдайы жақсарып, үйіне шығарылды.