Ер адамның бөлшектелген денесін қоқыс жәшігіне лақтырған күдіктінің видеосы тарады

Жезқазғанда ер адамның денесін бөлшектеп, қапқа салып, мүрдені қоқыс жәшігіне лақтырғандар анықталды, деп хабарлайды Orda.kz. 

Еске салайық, бұған дейін Жезқазғанда ер адамның бөлшектелген денесі табылғанын хабарлаған едік. Оқиға егжей-тегжейлі анықталды. 

Қайғылы жағдай 30 қаңтарда Жезқазған қаласында болған. Байқоңыров көшесіндегі пәтердің бірінде Дмитрий Баранов, Светлана Дмитриева мен Владимир Самохин бірге ішімдік ішкен. Кейін үшеудің арасында жанжал туындап, Дмитриева Барановқа пышақ сұққан. Ер адам алған жарақатынан сол жерде көз жұмады. Содан кейін әйел мүрдені бөлшектеп, Самохинмен бірге қоқыс жәшігіне тастай салған.

Ер адам мен әйелдің түнделетіп қап көтеріп, қоқыс жәшігіне мүрдені тастағаны видеоға түсіп қалған. Видеоны мына сілтемеден көресіз. 

Полиция тергеуді жалғастырып жатыр.