Ер адам жол сөмкесіндегі жасырын зат үшін 11 жылға сотталды

Ұлытау облысы бойынша мамандандырылған ауданаралық қылмыстық соты есірткімен айналысқан ер адамға қатысты үкім шығарды, деп хабарлайды Orda.kz. 

Ол гашишті заңсыз өңдеу, сақтау, тасымалдау және аса ірі көлемде сату бойынша айыпталды. Сотталушы тыйым салынған затты тұрмыстық жағдайда дайындап, кейін оны жол сөмкесіне жасырып, жолаушылар пойызымен Жезқазған қаласына жеткізген. Ол осы есірткіні сатуды жоспарлаған.

Сот барысында прокурор айыпталушының кінәсін дәлелдейтін бұлтартпас айғақтар ұсынды. Құқық қорғау органдары Ұлытау облысы аумағында шамамен 5 келі гашиштің таралуына жол бермеді. 

Сот сотталушыға 11 жыл бас бостандығынан айыру жазасын тағайындады.