Ер адам жүкті әйелін жұмыстан кешігіп келгені үшін соққыға жықты

Астана қаласының тұрғыны жүкті әйелін жұмыстан 15 минут кешігіп келгені үшін ұрды.

Бұл туралы Orda.kz Нұр-Сұлтан полиция департаментінің баспасөз қызметіне сілтеме жасап хабарлады.

Белгілі болғандай, 36 жастағы ер адам әйелінің 15 минут кешігіп келгеніне ашуланған. Келіншек үйіне қайтып келе жатқанда жұбайынан балағат сөздер естіген. Ол әйелін соққыға жығып, үйден кетіп қалған.

Артынша таңғы 05:00-де мас күйінде үйіне келіп, жұбайын таяқтың астына алуды жалғастырған.

– Екеуін ажыратып алмақшы болған енесі де таяқ жеп қалған. Қарт әйел полицияның учаскелік инспекторынан көмек сұраған, - деді полицияда.

Факт бойынша әкімшілік іс қозғалды.

– Сот шешімімен ер адам 15 тәулікке қамауға алынды және бір жыл бақылауда болады, - деді Нұр-Сұлтан полиция департаментінің баспасөз қызметі.