Ер адам әйелін өзінің баласымен жыныстық қатынасқа түсуге мәжбүрлеп, қызын зорламақ болды

Ташкентте өзінің баласымен жыныстық қатынасқа түсуге мәжбүрлемек болған күйеуін пышақтап өлтірген 46 жастағы келіншекке сот үкімі шықты, деп хабарлайды Orda.kz.

НеМолчи kz мәліметінше, оқиға ақпан айында болды. Марқұм ер адам келіншекке бірінші некесінен туған ұлымен жыныстық қатынасқа түсуін талап еткен. Егер олай жасамаса, екеуінің ортақ қызын зорлайтынын айтып қоқан-лоққы жасаған. Әйел күйеуін пышақтап өлтірді.

Сонымен қатар, Podrobno.uz басылымының деректеріне қарасақ, сот шешімінде қайғылы жағдай 21 ақпан түнде болған деп көрсетілген. Ерлі-зайыптылар арасында жанжал шығып, ер адам ессіз күйде ас үй пышағын алып, әйеліне қоқан-лоққы жасай бастапты. Ер адам әйелінен бірінші некесінен туған ересек ұлын шақырып, онымен жыныстық қатынасқа түсуін талап еткен. Айыпталушының сөзінше, күйеуі мұның бәрін бейнежазбаға түсіріп алғысы келіпті. Сол арқылы әйел мен ұлына қарсы «масқаралайтын айғақ» жинап, оларды мұрадан айыруды көздеген.

Сот-психиатриялық сараптама оның аффект жағдайында – ұзақ уақыт қорлағаннан, қорқытқаннан және зорлықтың салдарынан туындаған бір-ақ сәтте «жарылғыш» секілді психикалық күйде әрекет еткенін анықтады. 

Хабарламадан мәлім болғаны, ер адам ортақ қыздары туғаннан кейін ішімдік пен есірткіге әуестеніп, жиі жанжал шығарып, әйелін және балаларын үйден қуып жіберуді әдетке айландырыпты.

Сот үш жылға колония-қонысқа қамап, бас бостандығынан айыру туралы шешім қабылдады. Үкім шығару кезінде кінәсін мойындауы, өкінуі, марқұмның туыстарының шағымы болмауы, балаларын асырап отырғаны және оның мүгедектігі жеңілдететін мән-жайлар ретінде ескерілді.

Еске сала кетсек, бұған дейін 21 жастағы Тараз тұрғыны шешесін зорлады деген күдікке ілініп, қамауға алынған болатын.