ЕО визалық режимді жеңілдетеді

ЕО визалық режимді жеңілдетуге және Қазақстандағы "Транскаспий" халықаралық көлік дамуына қолдау көрсетуге әзір.

Астанада Сыртқы істер министрі Мұрат Нұртілеу мен Еуро Одақтың Сыртқы істер және қауіпсіздік саясаты жөніндегі Жоғарғы өкілі Жозеп Боррелл арасында визалық режимді жеңілдету және "Транскаспий" халықаралық көлік бағытын дамыту бойынша келіссөздер талқыланды.

«Біздің жұмысымыздың маңызды бағыттарының бірі Қазақстан азаматтары үшін ЕО визалық режимін жеңілдету. Біз жақын арада осы маңызды мәселенің оң шешімін табу үшін Жозеп  Боррелмен жұмыс істеуге келістік», - деді Сыртқы істер министрі.

Боррелл сондай-ақ ЕО-ның «Орта дәліз» ретінде белгілі "Транскаспий" халықаралық көлік дамуына мүдделі екенін растады. Бұл халықаралық көлік бағыты Қытай, Қазақстан, Каспий теңізі, Әзірбайжан, Грузия арқылы және одан әрі Түркия мен Еуропаға өтеді. Бағыттың маңызды бөлігі – жақында пайдалануға берілген Баку-Тбилиси-Карс темір жолы.